Jens Gustavsberg

Jens Gustavsberg

Það er ekki á hverjum degi þar sem maður fær tækifæri til að láta ljós sitt “sjæna” eins og maður segir í sölubransanum. En í dag fær maður einmitt slíkt tækifæri. Ég heiti Jens Gústavsberg, sænsk móðir nefnilega og ég ætla að verpa hér ljósi á ýmis málefni, segja skoðanir mínar umbúðarlaust og láta til mín taka í þjóðfélagsumræðunni. Fylgist spennt með hér í skoti mínu á veraldarvefnum.* Um Jens Gústavsberg. Fullt nafn: Jens Gústavsberg Aldur: 34 ára Menntun: Í skóla lífsins Starfsferill: Sjálfstætt starfandi farandsölumaður um þessar mundir. Áður hef ég starfað við sjávarútveg, landbúnað og naglsnyrtingar. *Af gefnu tilefni skal tekið fram að skoðanir, hugmyndir eða annað sem hér birtist endurspeglar á engan hátt afstöðu Ungra jafnaðarmanna enda yfirleitt illa ígrundað og vafasamlega framsett. Ungir jafnaðarmenn taka enga ábyrgð á sannleiksgildi eða innihaldi nokkurs sem hér kann að verða sett fram. Umkvartanir og ábendingar skulu sendast á netfangið j.gustavsberg@gmail.com.

Lesa meira eftir höfund

Meira í sama flokki

Guðlaugur Þór: „Ég bara man það ekki“

Enn er verið að velta sér upp úr styrkjum og peningamálum frambjóðenda. Merkilegt. Ef ég vil styrkja fólk til starfa, þá bara geri ég það og ef einhver kýs að styrkja mig, nafnlaust, hvað er þá eiginlega að því?

Sko, málið er bara það að það að vera með peninga á heilanum er ekkert normal, það er bara þannig. Nýjasta útspilið er málið með hann Guðlaug Þór. Ég meina, maðurinn safnaði einhverjum 24 mills sem er auðvitað bara rosa flott hjá honum, sýnir bara að hann er duglegur og hann þorir. Röflandi kjaftæði að tengja saman FL, REI, OR og Guðlaug. Bara óheppileg tilviljun sem hann útskýrði ágætlega.

Síðan er verið að rifja upp einhver viðtöl frá 2008 þegar engin nennti að pæla í svona og klína því á manngreyið. DV enn við sama heygarðshornið að ata saurnum út um allt. Það er í bestafalli óheppilegt og í verstafalli leiðinlegt. Spurningar eins og “borgaði þetta félag þitt laun” og eitthvað eru auðvitað bara óeðlilegar og skiljanlegt að hann svari þeim ekki. Mig minnir nefnilega að Guðlaugur hafi alltaf verið á mót því að aflétta launaleynd. Þannig að þetta er bara eðlilegt. Svo var maðurinn að fara til útlanda og helgin að nálgast, kallinn örugglega að fara að drekka drykk og vel skiljanlegt að hann nennti ekki að fara að standa í einhverju bókhaldsrugli fyrir blaðamann. Ég meina, launin sem hann borgar einstaklingum eru bara einkamál á milli hans og þeirra sem fyrir hann unnu.

Ég meina það er ekkert eins og hann hafi verið að borga fólki svart, það eru örugglega til nótur fyrir þessu öllu.

Ég veit t.d. ekki betur en einhverstaðar í bókhaldi nemendamóts Verlsó sé hægt að sjá að Gísli Marteinn borgaði þeim fína peninga fyrir úthringingar.

Sko, þessir menn eru bara duglegir og að sækjast eftir pólitískum frama og styrkja námsmenn í leiðinni. Hvað er að því? Win-Win if æ ever so vonn…